HYD: కాంగ్రెస్ ప్రభుత్వం అధికారంలోకి వచ్చాక 30 వేల ఉద్యోగాలు ఇచ్చిందని.. ఈ ఏడాది చివరికల్లా మరో 35 వేల ఉద్యోగాలను భర్తీ చేస్తామని సీఎం రేవంత్ రెడ్డి చెప్పారు. పోలీస్ అకాడమీలో శిక్షణ పూర్తి చేసుకున్న కొత్త ఎస్సైల ఔట్ పాసింగ్ పరేడ్‎లో సీఎం పాల్గొన్నారు. మా ప్రభుత్వ పని తీరుపై యువకులకు ఎలాంటి అనుమానాలు అవసరం లేదని భరోసా ఇచ్చారు. గడిచిన 9ఏళ్లలో ప్రజల ఆకాంక్షలు నేరవేరలేదని.. తెలంగాణ పునర్నిర్మాణమే తమ ప్రభుత్వ లక్ష్యమన్నారు.