హైదరాబాద్ రోడ్లపై మరిన్ని సిటీ బస్సులు పరుగులు పెట్టబోతోన్నాయి. నగర పరిధి భారీగా విస్తరిస్తోన్న ప్రస్తుత పరిస్థితుల్లో రోజువారీ ప్రయాణికుల అవసరాలకు అనుగుణంగా వాటి సంఖ్యను గణనీయంగా పెంచనుంది టీజీఎస్ఆర్టీసీ. కొత్త బస్సులను అందుబాటులోకి తీసుకుని రానుంది. వచ్చే రెండు నెలల్లో దశలవారీగా 275 కొత్త సిటీ బస్సులను నడిపించడానికి అవసరమైన ప్రణాళికలను రూపొందించుకుంది. దీన్ని కార్యాచరణలో పెట్టనుంది.