ఆదిలాబాద్‌లో నిర్మించనున్న విమానాశ్రయానికి భారత వాయుసేన అనుమతి లభించినట్లు తెలిపారు మంత్రి కోమటిరెడ్డి వెంకటరెడ్డి.ఆరు నెలల్లోనే రెండు ఎయిర్‌పోర్టులకు అనుమతి లభించడం తెలంగాణ ప్రభుత్వ కృషికి నిదర్శనమ‌న్నారు. భవిష్యత్తులో వాయుసేన శిక్షణా కేంద్రాన్ని నెలకొల్పే అవకాశాన్ని పరిశీలిస్తున్నట్లు లేఖలో వాయుసేన తెలిపిందన్నారు. కాగా తెలంగాణ ప్రభుత్వానికి పౌర విమాన సేవలను ప్రారంభించేందుకు కావాల్సిన అనుమతులు మంజూరీ చేస్తున్నట్లు స్ప‌ష్టం చేసింద‌న్నారు. ఈ విమానాశ్రయాన్ని పౌర విమానయానానికి, ఎయిర్ ఫోర్స్ విమానాల రాకపోకలకు అనుగుణంగా ఒక జాయింట్ యూజర్ ఎయిర్‌ఫీల్డ్ గా అభివృద్ధి చేయాలని సూచించింది.