ఏపీ సీఎం చంద్ర‌బాబు రాజ‌కీయ జీవితం స్పూర్తి దాయ‌క‌మ‌ని అన్నారు మంత్రి వంగ‌ల‌పూడి అనిత‌. అవిశ్రాంత పోరాట శిఖరమ‌ని, అవిరళ కృషికి నిలువెత్తు నిదర్శనమ‌న్నారు. కఠోర శ్రమ..క్రమశిక్షణలే ఆయుధం.. కార్యకర్తలే బలం, బలగంగా ముందుకు వెళుతున్న బాబు త‌న‌కు ఆద‌ర్శ‌మ‌న్నారు. స‌రిగ్గా ఇదే రోజు 47 ఏళ్ల క్రితం ఎమ్మెల్యేగా చంద్ర‌బాబు ప్ర‌స్థానం మొద‌లైంద‌ని పేర్కొన్నారు. తెలుగుదేశం పార్టీ ఆవిర్భావంతో మరో మలుపు తీసుకుందన్నారు. పార్టీని తిరుగులేని శక్తిగా మార్చే క్రమంలో ఎదురైన అవమానాలను ఆభరణాలుగా మలుచుకొని ముందుకు సాగుతున్నార‌ని కొనియాడారు.