సీఎం రేవంత్‌రెడ్డి బీజేపీ కార్యాలయ రోడ్డుకు గద్దర్‌ పేరు పెడతామనడం సరికాదని, ఆయనపై అంత ప్రేమ ఉంటే గాంధీ భవన్‌కు, ఇందిరమ్మ ఇండ్ల పథకానికి గద్దర్‌ పేరు పెట్టాలని బీజేపీ రాష్ట్ర ప్రధాన కార్యదర్శి కాసం వెంకటేశ్వర్లు సూచించారు.బీజేపీ కార్యాలయం ఉన్న ప్రాంతానికి గద్దర్‌ పేరు పెడతామని సీఎం రేవంత్‌రెడ్డి ఆవేశంగా శపథం చేశారని గుర్తు చేశారు. అర్బన్‌ నక్సలైట్ల మీద కాంగ్రెస్‌కు ఎందుకంత ప్రేమ వచ్చిందన్నారు. గద్దర్‌పై రాజద్రోహం సహా 35 కేసులు పెట్టి, జైలు పాలు చేసింది కాంగ్రెస్‌ కాదా అని ప్రశ్నించారు.