మంచిర్యాల మున్సిపాలిటీని కార్పొరేషన్‌గా ఏర్పాటు చేస్తూ ప్రభుత్వం గెజిట్‌ విడుదల చేసింది. 19న రాష్ట్ర ఐటీ శాఖ మంత్రి దుద్దిళ్ల శ్రీధర్‌బాబు అసెంబ్లీలో మంచిర్యాలను మున్సిపల్‌ కార్పొ రేషన్‌గా ఏర్పాటు చేస్తున్నట్లు ప్రకటించిన విషయం తెలిసిందే. మంచిర్యాల, నస్పూర్‌ మున్సిపాలిటీలతో పాటు హాజీపూర్‌ మండలంలోని 6 గ్రామ పంచాయతీలను విలీనం చేస్తూ కలెక్టర్‌ కుమార్‌ దీపక్‌ ప్రతిపాదనలు పంపారు.